اردو ترجمہ

سفیان ثوری کہتے ہیں کہ رسول اللہ صلی اللہ تعالیٰ علیہ وآلہ وسلم نے تین حج کئے ۱؎، دو حج ہجرت سے پہلے، اور ایک حج ہجرت کے بعد مدینہ سے آ کر کیا، اس حج کے ساتھ آپ نے عمرہ کو بھی ملایا ( یعنی قران کیا ) اس حج میں نبی اکرم صلی اللہ تعالیٰ علیہ وآلہ وسلم اپنے ساتھ جو اونٹ لے کر آئے تھے، اور جو علی المرتضیٰ کرّم اللہ تعالیٰ وجہہ الکریم ( یمن سے ) لے کر آئے تھے سب ملا کر کل سو اونٹ تھے، جن میں سے ایک اونٹ حضرت ابوجہل کا بھی تھا، اس کی ناک میں چاندی کا ایک چھلہ تھا، ان میں سے ۶۳ اونٹوں کو نبی اکرم صلی اللہ تعالیٰ علیہ وآلہ وسلم نے اپنے ہاتھ سے نحر کیا، اور جو باقی رہ گئے انہیں علی المرتضیٰ کرّم اللہ تعالیٰ وجہہ الکریم نے نحر کیا، سفیان سے پوچھا گیا کہ یہ حدیث کس نے روایت کی ہے تو انہوں نے کہا: جعفر صادق نے اپنے والد سے، انہوں نے حضرت جابر رضی اللہ تعالیٰ عنہ سے اور ابن ابی لیلیٰ نے حکم سے، حکم نے مقسم سے اور مقسم نے حضرت ابن عباس رضی اللہ تعالیٰ عنہما سے روایت کی ہے۔