اردو ترجمہ

ہم سے ابوالیمان نے بیان کیا، کہا ہمیں شعیب نے خبر دی، ان سے ابوالزناد نے، ان سے اعرج نے اور ان سے حضرت ابوہریرہ رضی اللہ تعالیٰ عنہ نے بیان کیا کہ رسول اللہ صلی اللہ تعالیٰ علیہ وآلہ وسلم نے ارشاد فرمایا: اللہ تعالیٰ فرماتا ہے: جس نے میرے کسی ولی سے دشمنی کی اس سے میں نے جنگ کا اعلان کیا۔ میرا بندہ جن چیزوں سے بھی میرا قرب حاصل کرتا ہے ان میں سب سے زیادہ مجھے محبوب وہ ہے جو میں نے اس پر فرض کیا ہے۔ اور میرا بندہ نوافل کے ذریعے برابر میرا قرب حاصل کرتا رہتا ہے یہاں تک کہ میں اس سے محبت کرنے لگتا ہوں۔ جب میں اس سے محبت کرنے لگتا ہوں تو میں اس کا کان بن جاتا ہوں جس سے وہ سنتا ہے اور اس کی آنکھ بن جاتا ہوں جس سے وہ دیکھتا ہے اور اس کا ہاتھ بن جاتا ہوں جس سے وہ پکڑتا ہے اور اس کا پاؤں بن جاتا ہوں جس سے وہ چلتا ہے۔ اگر وہ مجھ سے مانگے تو میں اسے ضرور دوں اور اگر میری پناہ مانگے تو میں اسے ضرور پناہ دوں۔ اور میں کسی کام میں اتنا نہیں ہچکچاتا جتنا مؤمن کی جان لینے میں، وہ موت کو ناپسند کرتا ہے اور مجھے اسے تکلیف دینا ناپسند ہے۔