اردو ترجمہ

ہم سے علی بن حکم انصاری نے بیان کیا، کہا ہم سے حضرت ابوعوانہ نے بیان کیا، ان سے رقبہ نے، ان سے حضرت طلحہ الیامی نے، ان سے سعید بن جبیر نے بیان کیا کہ مجھ سے حضرت ابن عباس رضی اللہ تعالیٰ عنہما نے دریافت فرمایا کہ تم نے شادی کر لی ہے؟ میں نے عرض کیا کہ نہیں۔ آپ صلی اللہ تعالیٰ علیہ وآلہ وسلم نے ارشاد فرمایا کہ شادی کر لو کیونکہ اس امت کے بہترین شخص جو تھے ( یعنی نبی کریم صلی اللہ تعالیٰ علیہ وآلہ وسلم ) ان کی بہت سی بیویاں تھیں۔ بعضوں نے یوں ترجمہ کیا ہے کہ اس امت میں اچھے وہی لوگ ہیں جن کی بہت عورتیں ہوں۔