اردو ترجمہ

ہم سے محمد بن کثیر نے بیان کیا، کہا ہم کو سفیان ثوری نے خبر دی، کہا مجھ کو ابن ابی نجیح نے خبر دی، انہیں مجاہد نے، انہیں عبدالرحمٰن بن ابی لیلیٰ نے اور ان سے حضرت علی المرتضیٰ کرّم اللہ تعالیٰ وجہہ الکریم نے فرمایا کہ نبی کریم صلی اللہ تعالیٰ علیہ وآلہ وسلم نے مجھے (قربانی کے اونٹوں کی دیکھ بھال کے لیے) روانہ فرمایا۔ اس لیے میں نے ان کی دیکھ بھال فرمائی، پھر آپ صلی اللہ تعالیٰ علیہ وآلہ وسلم نے مجھے حکم مرحمت فرمایا تو میں نے ان کے گوشت تقسیم فرمائے، پھر آپ صلی اللہ تعالیٰ علیہ وآلہ وسلم نے مجھے حکم مرحمت فرمایا تو میں نے ان کے جھول اور چمڑے بھی تقسیم فرما دیے۔ سفیان نے فرمایا کہ مجھ سے عبدالکریم نے بیان کیا، ان سے مجاہد نے، ان سے عبدالرحمٰن بن ابی لیلیٰ نے اور ان سے حضرت علی المرتضیٰ کرّم اللہ تعالیٰ وجہہ الکریم نے فرمایا کہ مجھے نبی کریم صلی اللہ تعالیٰ علیہ وآلہ وسلم نے حکم مرحمت فرمایا تھا کہ میں قربانی کے اونٹوں کی دیکھ بھال کروں اور ان میں سے کوئی چیز قصائی کی مزدوری میں نہ دوں۔