اردو ترجمہ

ہم سے عبداللہ بن یوسف نے بیان کیا، کہا کہ ہم سے امام مالک رحمۃ اللہ تعالیٰ علیہ نے بیان کیا، انہیں موسیٰ بن عقبہ نے خبر دی، انہیں کریب نے، انہوں نے حضرت اسامہ بن زید رضی اللہ تعالیٰ عنہما کو یہ فرماتے سنا کہ میدان عرفات سے رسول اللہ صلی اللہ تعالیٰ علیہ وآلہ وسلم روانہ ہو کر گھاٹی میں اترے (جو مزدلفہ کے قریب ہے) وہاں قضائے حاجت فرمائی، پھر وضو فرمایا اور پورا وضو نہیں فرمایا (خوب پانی نہیں بہایا بلکہ ہلکا وضو فرمایا) میں نے نماز کے متعلق عرض کی تو ارشاد فرمایا کہ نماز آگے ہے۔ اب آپ صلی اللہ تعالیٰ علیہ وآلہ وسلم مزدلفہ تشریف لائے، وہاں پھر وضو فرمایا اور پوری طرح فرمایا، پھر نماز کی تکبیر کہی گئی اور آپ صلی اللہ تعالیٰ علیہ وآلہ وسلم نے مغرب کی نماز ادا فرمائی، پھر ہر شخص نے اپنے اونٹ ڈیروں پر بٹھا دیئے، پھر دوبارہ نماز عشاء کے لیے تکبیر کہی گئی اور آپ صلی اللہ تعالیٰ علیہ وآلہ وسلم نے نماز ادا فرمائی، آپ صلی اللہ تعالیٰ علیہ وآلہ وسلم نے ان دونوں نمازوں کے درمیان کوئی (سنت یا نفل) نماز نہیں پڑھی تھی۔