اردو ترجمہ

ہم سے عبدان نے بیان کیا، کہا مجھے میرے والد (حضرت عثمان) نے خبر دی شعبہ سے، انہوں نے اشعث سے سنا، انہوں نے اپنے والد ابوالشعثاء سے، انہوں نے مسروق رحمۃ اللہ تعالیٰ علیہ سے اور انہوں نے حضرت اُمّ المؤمنین عائشہ صدیقہ رضی اللہ تعالیٰ عنہا سے روایت کیا کہ ایک یہودی عورت ان کے پاس آئی اور عذاب قبر کا ذکر کیا۔ اس نے عرض کیا: اللہ تعالیٰ آپ کو عذاب قبر سے محفوظ رکھے۔ حضرت اُمّ المؤمنین عائشہ صدیقہ رضی اللہ تعالیٰ عنہا نے رسول اللہ صلی اللہ تعالیٰ علیہ وآلہ وسلم سے عذاب قبر کے بارے میں دریافت فرمایا تو آپ صلی اللہ تعالیٰ علیہ وآلہ وسلم نے ارشاد فرمایا: ہاں، عذاب قبر حق ہے۔ حضرت اُمّ المؤمنین عائشہ صدیقہ رضی اللہ تعالیٰ عنہا نے فرمایا: اس کے بعد میں نے رسول اللہ صلی اللہ تعالیٰ علیہ وآلہ وسلم کو کبھی کوئی نماز ایسی پڑھتے نہیں دیکھا جس میں آپ صلی اللہ تعالیٰ علیہ وآلہ وسلم نے عذاب قبر سے اللہ تعالیٰ کی پناہ نہ مانگی ہو۔ غندر نے «عذاب القبر حق» (عذاب قبر حق ہے) کے الفاظ کا اضافہ کیا۔