اردو ترجمہ

حضرت طفیل بن اُبَیّ بن کعب فرماتے ہیں: میں حضرت عبد اللہ بن عمر رضی اللہ تعالیٰ عنہما کے پاس آتا اور ان کے ساتھ بازار جاتا۔ جب ہم بازار جاتے تو وہ ہر فروخت کنندے، مسکین، یا کسی بھی شخص کے پاس سے نہ گزرتے مگر سلام کرتے۔ ایک دن میں آیا تو انہوں نے مجھے ساتھ بازار چلنے کو کہا۔ میں نے کہا: بازار میں کیا کریں گے، آپ نہ خرید و فروخت کرتے ہیں، نہ سودا بازی، نہ مجلس میں بیٹھتے ہیں۔ میں نے کہا: آئیے یہاں بیٹھیں اور باتیں کریں۔ انہوں نے فرمایا: اے ابو بطن (موٹے پیٹ والے)! ہم بازار سلام کرنے کے لیے جاتے ہیں، جو بھی ملے اسے سلام کرتے ہیں۔