اردو ترجمہ

ابوظبیان جنی کہتے ہیں کہ عمر رضی اللہ تعالیٰ عنہ کے پاس ایک عورت لائی گئی جس نے زنا کا ارتکاب کیا تھا، تو انہوں نے اسے رجم کرنے کا حکم دیا، علی المرتضیٰ کرّم اللہ تعالیٰ وجہہ الکریم کا وہاں سے گزر ہوا، انہوں نے اسے پکڑا اور چھوڑ دیا، تو عمر کو اس کی خبر دی گئی تو انہوں نے کہا: علی المرتضیٰ کرّم اللہ تعالیٰ وجہہ الکریم کو میرے پاس بلاؤ، چنانچہ علی المرتضیٰ کرّم اللہ تعالیٰ وجہہ الکریم آئے اور کہنے لگے: امیر المؤمنین! آپ کو معلوم ہے کہ رسول اللہ صلی اللہ تعالیٰ علیہ وآلہ وسلم نے ارشاد فرمایا ہے: قلم تین شخصوں سے اٹھا لیا گیا ہے: بچہ سے یہاں تک کہ وہ بالغ ہو جائے، سوئے ہوئے شخص سے یہاں تک کہ وہ بیدار ہو جائے، اور دیوانہ سے یہاں تک کہ وہ اچھا ہو جائے اور یہ تو دیوانی اور پاگل ہے، فلاں قوم کی ہے، ہو سکتا ہے اس کے پاس جو آیا ہو اس حالت میں آیا ہو کہ وہ دیوانگی کی شدت میں مبتلاء رہی ہو، تو عمر رضی اللہ تعالیٰ عنہ نے عرض کیا: مجھے نہیں معلوم کہ وہ اس وقت دیوانی تھی، اس پر علی المرتضیٰ کرّم اللہ تعالیٰ وجہہ الکریم نے کہا: مجھے یہ بھی نہیں معلوم کہ وہ نہیں تھی۔