اردو ترجمہ

حضرت ابو سعید خدری رضی اللہ تعالیٰ عنہ فرماتے ہیں کہ رسول اللہ صلی اللہ تعالیٰ علیہ وآلہ وسلم جب کوئی نیا کپڑا زیبِ تن فرماتے تو اس کا نام لیتے، خواہ قمیص ہو یا عمامہ، پھر یوں دعا فرماتے: «اللَّهُمَّ لَكَ الْحَمْدُ أَنْتَ كَسَوْتَنِيهِ أَسْأَلُكَ مِنْ خَيْرِهِ وَخَيْرِ مَا صُنِعَ لَهُ وَأَعُوذُ بِكَ مِنْ شَرِّهِ وَشَرِّ مَا صُنِعَ لَهُ» اے اللہ! تمام تعریفیں تیرے لیے ہیں، تو نے ہی مجھے یہ پہنایا ہے۔ میں تجھ سے اس کی بھلائی اور جس مقصد کے لیے یہ بنایا گیا اس کی بھلائی کا سوال کرتا ہوں، اور اس کی برائی اور جس مقصد کے لیے یہ بنایا گیا اس کی برائی سے تیری پناہ چاہتا ہوں۔ ابو نضرہ رحمۃ اللہ علیہ فرماتے ہیں: نبی کریم صلی اللہ تعالیٰ علیہ وآلہ وسلم کے اصحاب (رضی اللہ تعالیٰ عنہم) میں سے جب کوئی نیا کپڑا پہنتا تو اس سے کہا جاتا: تو اسے پرانا کرے اور اللہ تعالیٰ تجھے اس کی جگہ دوسرا عطا فرمائے۔