اردو ترجمہ

حضرت ابی بن کعب رضی اللہ تعالیٰ عنہ فرماتے ہیں کہ نبی کریم صلی اللہ تعالیٰ علیہ وآلہ وسلم نے ارشاد فرمایا: اے ابی! مجھے قرآن پڑھنے کا حکم دیا گیا ہے تو آپ نے مجھے «لم يكن الذين كفروا من أهل الكتاب» پڑھ کر سنایا اور اس میں سے مجھے یہ بھی پڑھ کر سنایا: «لو أن ابن آدم سأل واديًا من مال فأعطيه سأل ثانيًا وإن سأل ثانيًا فأعطيه سأل ثالثًا ولا يملأ جوف ابن آدم إلا التراب ويتوب الله على من تاب وإن ذات الدين عند الله الحنيفية غير المشركة ولا اليهودية ولا النصرانية ومن يفعل خيرًا فلن يُكفَره» اگر ابن آدم ایک وادی بھر مال مانگے اور اسے دے دیا جائے تو دوسری مانگے اور اگر دوسری دے دی جائے تو تیسری مانگے، اور ابن آدم کا پیٹ مٹی کے سوا کوئی چیز نہیں بھر سکتی، اور اللہ تعالیٰ اس کی توبہ قبول فرماتا ہے جو توبہ کرے، اور بے شک اللہ کے نزدیک دین حنیفیت ہے نہ شرک نہ یہودیت نہ عیسائیت اور جو بھلائی کرے اس کی بھلائی ہرگز ضائع نہ ہو گی۔