Urdu Translation

سیدنا ابوہریرہ رضی اللہ عنہ سے روایت ہے کہ رسول اللہصلی اللہ علیہ وسلمنے فرمایا:”کیا میں تمہیں عرش کے نیچے سے (نکلنے والا) جنت کا ایک خزانہ نہ سکھاؤں (یا فرمایا: اس کی طرف رہنمائی نہ کروں)؟ تم کہا کرو:«لَا حَوْلَ وَلَا قُوَّةَ إِلَّا بِاللّٰهِ»”(اللہ کی نافرمانی سے) پھرنے کی ہمت اور (نیکی کرنے کی) قوت اللہ ہی کی توفیق سے ہے“، تو اللہ عزوجل فرماتا ہے: میرے بندے نے سرِ تسلیم خم کر دیا اور وہ میرے تابع ہو گیا۔“یہ صحیح حدیث ہے اور اس کی کوئی علت معلوم نہیں ہے، اگرچہ ان دونوں (امام بخاری و مسلم) نے اس کی تخریج نہیں کی، لیکن امام مسلم نے یحییٰ بن ابی سلیم سے احتجاج کیا ہے۔[المستدرك على الصحيحين/كتاب الإيمان/حدیث: 54]