Urdu Translation

ابو حضرت معاویہ نے کہا: ہمیں اعمش نے ابراہیم تیمی رحمۃ اللہ تعالیٰ علیہ سے سابقہ سند کے ساتھ حضرت ابو ذر رضی اللہ تعالیٰ عنہ سے روایت کی، انہوں نے کہا: میں مسجد میں داخل ہوا جبکہ رسول اللہ صلی اللہ تعالیٰ علیہ وآلہ وسلم تشریف فرما تھے، جب سورج غائب ہو گیا تو آپ صلی اللہ تعالیٰ علیہ وآلہ وسلم نے ارشاد فرمایا: ''اے حضرت ابو ذر! کیا تم جانتے ہو یہ سورج کہاں جاتا ہے؟'' میں نے عرض کیا: اللہ اور اس کے رسول بہتر جاننے والے ہیں۔ آپ صلی اللہ تعالیٰ علیہ وآلہ وسلم نے ارشاد فرمایا: ''یہ جاتا ہے، پھر سجدے کی اجازت مانگتا ہے تو اسے سجدے کی اجازت دی جاتی ہے، (پھر یوں ہو گا کہ) جیسے اس سے کہہ دیا گیا ہو (اس میں اشارہ ہے کہ ہم حقیقت نہیں جان سکتے): جہاں سے آئے ہو وہاں لوٹ جاؤ، چنانچہ وہ اپنے مغرب سے طلوع ہو گا۔'' پھر آپ صلی اللہ تعالیٰ علیہ وآلہ وسلم نے تلاوت فرمائی: ''اور سورج اپنے مستقر کی طرف چل رہا ہے، یہ زبردست علم والے (اللہ) کا مقرر کیا ہوا ہے۔''