Urdu Translation

حضرت یحییٰ بن سعید فرماتے ہیں کہ رسول اللہ صلی اللہ تعالیٰ علیہ وآلہ وسلم بیٹھے ہوئے تھے اور مدینہ میں ایک قبر کھودی جا رہی تھی۔ ایک شخص نے قبر میں جھانکا اور کہا: مؤمن کا کیا بُرا مقام ہے! رسول اللہ صلی اللہ تعالیٰ علیہ وآلہ وسلم نے ارشاد فرمایا: تو نے کیا بُری بات کہی! اس شخص نے عرض کیا: میری مراد یہ نہیں تھی، میری مراد تو اللہ کی راہ میں شہادت سے تھی۔ رسول اللہ صلی اللہ تعالیٰ علیہ وآلہ وسلم نے ارشاد فرمایا: اللہ کی راہ میں شہادت کا کوئی مثل نہیں، لیکن زمین پر کوئی ایسا ٹکڑا نہیں جہاں میری قبر ہونا مجھے اس جگہ (مدینہ) سے زیادہ محبوب ہو۔ آپ نے یہ تین بار ارشاد فرمایا۔ (مالک نے مرسلاً روایت کیا)