Urdu Translation

سیدنا جابر بن عبد اللہ رضی اللہ عنہما نے بیان کیا کہ ہم ایک غزوہ (تبوک) میں تھے۔ مہاجرین میں سے ایک آدمی نے انصار کے ایک آدمی کو لات مار دی۔ انصاری نے کہا کہ اے انصاریو! دوڑو اور مہاجر نے کہا اے مہاجرین! دوڑو۔ تو رسول اللہصلی اللہ علیہ وسلمنے بھی اسے سنا اور فرمایا:”کیا قصہ ہے؟ یہ جاہلیت کی پکار کیسی ہے؟“لوگوں نے بتایا کہ یا رسول اللہ! ایک مہاجر نے ایک انصاری کو لات مار دی ہے۔ آنسیدناصلی اللہ علیہ وسلمنے فرمایا:”اس طرح جاہلیت کی پکار کو چھوڑ دو کہ یہ نہایت ناپاک باتیں ہیں۔“عبد اللہ بن ابی نے بھی یہ بات سنی تو کہا کہ اچھا یہاں تک نوبت پہنچ گئی۔ خدا کی قسم!﴿جب ہم مدینہ لوٹیں گے تو ہم سے عزت والا ذلیلوں کو نکال کر باہر کر دے گا﴾[سورة المنافقون: 8]۔ اس کی خبر آنسیدناصلی اللہ علیہ وسلمکو پہنچ گئی۔ سیدنا عمر رضی اللہ عنہ نے کھڑے ہو کر عرض کیا کہ یا رسول اللہ! مجھے اجازت دیں کہ میں اس منافق کو ختم کر دوں۔ آنسیدناصلی اللہ علیہ وسلمنے فرمایا:”اسے چھوڑ دو تاکہ لوگ یہ نہ کہیں کہ محمدصلی اللہ علیہ وسلماپنے ساتھیوں کو قتل کرا دیتے ہیں۔“[اللؤلؤ والمرجان/كتاب البر والصلة والآداب/حدیث: 1669]