Urdu Translation

سیدنا انس بن مالک رضی اللہ عنہ نے بیان کیا کہ نبی کریمصلی اللہ علیہ وسلمکے زمانے میں ایک یہودی نے ایک لڑکی پر ظلم کیا، اس کے چاندی کے زیورات جو وہ پہنے ہوئے تھی چھین لیے اور اس کا سر کچل دیا۔ لڑکی کے گھر والے اسے نبی کریمصلی اللہ علیہ وسلمکے پاس لائے تو اس کی زندگی کی بس آخری گھڑی باقی تھی اور وہ بول نہیں سکتی تھی۔ آپصلی اللہ علیہ وسلمنے اس سے پوچھا:”تمہیں کس نے مارا ہے؟ فلاں نے؟“آپصلی اللہ علیہ وسلمنے اس واقعہ سے غیر متعلق آدمی کا نام لیا، اس لیے اس نے اپنے سر کے اشارے سے کہا کہ نہیں۔ بیان کیا کہ پھر آپصلی اللہ علیہ وسلمنے دریافت فرمایا:”فلاں نے تمہیں مارا ہے؟“تو اس لڑکی نے سر کے اشارے سے ہاں کہا۔ (اس کے بعد اس یہودی نے بھی اس جرم کا اقرار کر لیا) تو آپصلی اللہ علیہ وسلمنے اس کے لیے حکم دیا اور اس آدمی کا سر دو پتھروں کے درمیان کچلا گیا۔[اللؤلؤ والمرجان/كتاب القسامة/حدیث: 1087]