Urdu Translation

سیدنا ابوہریرہ رضی اللہ عنہ سے روایت ہے، وہ نبی اکرمصلی اللہ علیہ وسلمسے بیان کرتے ہیں:”بے شک اہل جنت، باہمی فضیلت کے درجات میں، ایک دوسرے کو بالاخانوں سے ایسے دیکھیں گے، جس طرح تم مشرقی یا مغربی ستارے کو، جو افق میں غروب یا طلوع ہونے والا ہوتا ہے، دیکھتے ہو۔“انہوں نے کہا کہ اے اللہ کے رسولصلی اللہ علیہ وسلم! وہ تو نبی ہی ہوں گے؟ فرمایا:”کیوں نہیں، قسم ہے اس ذات کی جس کے ہاتھ میں میری جان ہے! اور وہ لوگ بھی ہوں گے جو اللہ اور اس کے رسولصلی اللہ علیہ وسلمپر ایمان لائے اور رسولوں کی تصدیق کی۔“[مسند عبدالله بن مبارك/حدیث: 125]