Urdu Translation

حضرت اسماء بنت ابی بکر رضی اللہ تعالیٰ عنہما فرماتی ہیں کہ ہم لوگ رسول اللہ صلی اللہ تعالیٰ علیہ وآلہ وسلم کے ساتھ ( حج کے لیے ) نکلے، جب مقام عرج میں پہنچے تو ہم نے پڑاؤ ڈال دیا، رسول اللہ صلی اللہ تعالیٰ علیہ وآلہ وسلم بیٹھے اور حضرت اُمّ المؤمنین عائشہ رضی اللہ تعالیٰ عنہا آپ کے پاس بیٹھ گئیں، اور میں ( اپنے والد ) حضرت ابوبکر رضی اللہ تعالیٰ عنہ کے پاس، اس سفر میں میرا اور حضرت ابوبکر رضی اللہ تعالیٰ عنہ کا سامان اٹھانے والا اونٹ ایک تھا جو حضرت ابوبکر کے غلام کے ساتھ تھا، اتنے میں غلام آیا، اس کے ساتھ اونٹ نہیں تھا تو انہوں نے اس سے پوچھا: تمہارا اونٹ کہاں ہے؟ اس نے جواب دیا: کل رات کہیں غائب ہو گیا، حضرت ابوبکر رضی اللہ تعالیٰ عنہ نے اس سے کہا: تمہارے ساتھ ایک ہی اونٹ تھا، اور وہ بھی تم نے گم کر دیا، پھر وہ اسے مارنے لگے اور رسول اللہ صلی اللہ تعالیٰ علیہ وآلہ وسلم فرما رہے تھے: دیکھو اس محرم کو کیا کر رہا ہے ؟ ۱؎۔