Urdu Translation

حضرت صفوان بن عبداللہ رضی اللہ تعالیٰ عنہ فرماتے ہیں کہ ان کی زوجیت میں حضرت ابوالدرداء رضی اللہ تعالیٰ عنہ کی صاحبزادی تھیں، وہ ان کے پاس گئے، وہاں ام الدرداء یعنی ساس کو پایا، حضرت ابو الدرداء کو نہیں، ام الدرداء نے ان سے پوچھا: کیا تمہارا امسال حج کا ارادہ ہے؟ انہوں نے جواب دیا: ہاں، تو انہوں نے کہا: ہمارے لیے اللہ تعالیٰ سے خیر کی دعا کرنا، اس لیے کہ نبی اکرم صلی اللہ تعالیٰ علیہ وآلہ وسلم فرماتے تھے: آدمی کی وہ دعا جو وہ اپنے بھائی کے لیے اس کے غائبانے میں کرتا ہے قبول کی جاتی ہے، اس کے سر کے پاس ایک فرشتہ ہوتا ہے، جو اس کی دعا پر آمین کہتا ہے، جب وہ اس کے لیے خیر کی دعا کرتا ہے تو وہ آمین کہتا ہے، اور کہتا ہے: تیرے لیے بھی ایسا ہی ہو ۔ صفوان رضی اللہ تعالیٰ عنہ فرماتے ہیں کہ پھر میں بازار کی طرف چلا گیا، تو میری ملاقات حضرت ابو الدرداء رضی اللہ تعالیٰ عنہ سے ہوئی تو انہوں نے بھی مجھ سے اسی کے مثل نبی اکرم صلی اللہ تعالیٰ علیہ وآلہ وسلم سے بیان کیا۔