Urdu Translation

حضرت اُمّ المؤمنین عائشہ رضی اللہ تعالیٰ عنہا فرماتی ہیں کہ نبی اکرم صلی اللہ تعالیٰ علیہ وآلہ وسلم جب اعتکاف کا ارادہ کرتے تو نماز فجر پڑھ کر اعتکاف کی جگہ جاتے، ایک مرتبہ رمضان کے آخری عشرے میں اعتکاف کرنے کا ارادہ فرمایا، آپ صلی اللہ تعالیٰ علیہ وآلہ وسلم کے حکم پر مسجد میں ایک خیمہ لگا دیا گیا، حضرت اُمّ المؤمنین عائشہ رضی اللہ تعالیٰ عنہا نے بھی حکم دیا تو ان کے لیے ( بھی ) ایک خیمہ لگایا گیا، اُمّ المؤمنین حفصہ رضی اللہ تعالیٰ عنہا نے حکم دیا تو ان کے لیے بھی ایک خیمہ لگایا گیا، جب اُمّ المؤمنین زینب رضی اللہ تعالیٰ عنہا نے ان دونوں کا خیمہ دیکھا تو انہوں نے بھی حکم دیا تو ان کے لیے بھی خیمہ لگایا گیا، جب رسول اللہ صلی اللہ تعالیٰ علیہ وآلہ وسلم نے یہ منظر دیکھا تو فرمایا: کیا ثواب کے لیے تم سب نے ایسا کیا ہے ؟ آپ صلی اللہ تعالیٰ علیہ وآلہ وسلم نے اس رمضان میں اعتکاف نہیں کیا بلکہ شوال کے مہینہ میں دس دن کا اعتکاف کیا۔