Urdu Translation

ہم سے صدقہ بن فضل نے بیان کیا، کہا ہمیں یحییٰ نے خبر دی، ان سے سفیان نے بیان کیا، کہا مجھ سے میرے والد نے بیان کیا، ان سے منذر نے، ان سے ربیع بن خثیم نے اور ان سے حضرت عبداللہ رضی اللہ تعالیٰ عنہ نے فرمایا کہ نبی کریم صلی اللہ تعالیٰ علیہ وآلہ وسلم نے ایک چوکور لکیر کھینچی اور درمیان میں ایک لکیر کھینچی جو اس سے باہر نکلی ہوئی تھی اور درمیان والی لکیر کی دونوں جانب چھوٹی چھوٹی لکیریں کھینچیں اور ارشاد فرمایا: یہ انسان ہے اور یہ اس کی اجل ہے جو اسے گھیرے ہوئے ہے — یا فرمایا: اس نے اسے گھیر لیا ہے — اور یہ جو باہر نکلی ہوئی ہے یہ اس کی آرزو ہے اور یہ چھوٹی لکیریں آفتیں اور حادثات ہیں۔ اگر یہ اسے نہ لگے تو وہ لگے اور اگر وہ نہ لگے تو یہ لگے۔