Urdu Translation

مجھ سے محمد بن مثنیٰ نے بیان کیا، کہا ہم سے حضرت ابوعوانہ کے داماد فضل بن مساور نے بیان کیا، کہا ہم سے اعمش نے، ان سے حضرت ابوسفیان نے اور ان سے حضرت جابر رضی اللہ تعالیٰ عنہ نے بیان کیا کہ میں نے رسول اللہ صلی اللہ تعالیٰ علیہ وآلہ وسلم سے سنا، آپ صلی اللہ تعالیٰ علیہ وآلہ وسلم نے ارشاد فرمایا کہ سعد بن حضرت معاذ رضی اللہ تعالیٰ عنہ کی موت پر عرش ہل گیا اور اعمش سے روایت ہے، ان سے ابوصالح نے بیان کیا اور ان سے حضرت جابر رضی اللہ تعالیٰ عنہ نے نبی کریم صلی اللہ تعالیٰ علیہ وآلہ وسلم سے اسی طرح روایت کیا، ایک صاحب نے حضرت جابر رضی اللہ تعالیٰ عنہ سے کہا کہ حضرت براء رضی اللہ تعالیٰ عنہ تو اس طرح بیان کرتے ہیں کہ چارپائی جس پر حضرت معاذ رضی اللہ تعالیٰ عنہ کی نعش رکھی ہوئی تھی، ہل گئی تھی، حضرت جابر رضی اللہ تعالیٰ عنہ نے فرمایا ان دونوں قبیلوں ( اوس اور خزرج ) کے درمیان ( زمانہ جاہلیت میں ) دشمنی تھی، میں نے خود نبی کریم صلی اللہ تعالیٰ علیہ وآلہ وسلم کو یہ فرماتے سنا ہے کہ سعد بن حضرت معاذ رضی اللہ تعالیٰ عنہ کی موت پر عرش رحمن ہل گیا تھا۔