Urdu Translation

سفینہ ابوعبدالرحمٰن سے روایت ہے کہ ایک شخص نے علی المرتضیٰ کرّم اللہ تعالیٰ وجہہ الکریم کی دعوت کی اور ان کے لیے کھانا بنایا ( اور بھیج دیا ) تو فاطمہ رضی اللہ تعالیٰ عنہا نے کہا: کاش ہم رسول اللہ صلی اللہ تعالیٰ علیہ وآلہ وسلم کو بلا لیتے آپ بھی ہمارے ساتھ کھانا تناول فرما لیتے چنانچہ انہوں نے آپ کو بلوایا، آپ صلی اللہ تعالیٰ علیہ وآلہ وسلم تشریف لائے اور اپنا ہاتھ دروازے کے دونوں پٹ پر رکھا، تو کیا دیکھتے ہیں کہ گھر کے ایک کونے میں ایک منقش پردہ لگا ہوا ہے، ( یہ دیکھ کر ) آپ لوٹ گئے تو فاطمہ رضی اللہ تعالیٰ عنہا نے علی المرتضیٰ کرّم اللہ تعالیٰ وجہہ الکریم سے کہا: جا کر ملئیے اور دیکھئیے آپ کیوں لوٹے جا رہے ہیں؟ ( علی المرتضیٰ کرّم اللہ تعالیٰ وجہہ الکریم فرماتے ہیں ) میں نے آپ صلی اللہ تعالیٰ علیہ وآلہ وسلم کا پیچھا کیا اور پوچھا: اللہ کے رسول! آپ کیوں واپس جا رہے ہیں، آپ صلی اللہ تعالیٰ علیہ وآلہ وسلم نے ارشاد فرمایا: میرے لیے یا کسی نبی کے لیے یہ زیب نہیں دیتا کہ وہ کسی آرائش و زیبائش والے گھر میں داخل ہو ۔