Urdu Translation

حضرت عبداللہ بن مسعود رضی اللہ تعالیٰ عنہ فرماتے ہیں: مجھ سے رسول اللہ صلی اللہ تعالیٰ علیہ وآلہ وسلم نے ارشاد فرمایا: مجھے سورۃ النساء پڑھ کر سناؤ۔ میں نے عرض کیا: کیا میں آپ کو پڑھ کر سناؤں حالانکہ آپ پر ہی نازل ہوا ہے؟ آپ صلی اللہ تعالیٰ علیہ وآلہ وسلم نے ارشاد فرمایا: مجھے یہ پسند ہے کہ میں دوسروں سے سنوں۔ تو میں نے آپ کو پڑھ کر سنایا، یہاں تک کہ جب میں اس آیت پر پہنچا: «فَكَيْفَ إِذَا جِئْنَا مِنْ كُلِّ أُمَّةٍ بِشَهِيدٍ» (تو اس وقت کیسا ہوگا جب ہم ہر امت سے ایک گواہ لائیں گے) تو میں نے سر اٹھایا تو کیا دیکھتا ہوں کہ آپ صلی اللہ تعالیٰ علیہ وآلہ وسلم کی دونوں آنکھوں مبارک سے آنسو جاری ہیں۔