Urdu Translation

حضرت معقل بن یسار رضی اللہ تعالیٰ عنہ فرماتے ہیں: میری ایک بہن تھی جس کا مجھ سے رشتہ مانگا جاتا تھا۔ میرا ایک چچا زاد بھائی آیا تو میں نے اس کا نکاح اس سے کر دیا۔ پھر اس نے اسے ایسی طلاق دی جس میں رجوع کا حق تھا۔ پھر اس نے رجوع نہیں کیا یہاں تک کہ عدت گزر گئی۔ جب (دوبارہ) میرے پاس اس کا رشتہ مانگا گیا تو وہی (چچا زاد) پھر پیغام لے کر آیا۔ میں نے کہا: نہیں! اللہ کی قسم! میں اب کبھی اس کا نکاح تجھ سے نہیں کروں گا۔ فرماتے ہیں: تو میرے بارے میں یہ آیت نازل ہوئی: {وَإِذَا طَلَّقْتُمُ النِّسَاءَ فَبَلَغْنَ أَجَلَهُنَّ فَلَا تَعْضُلُوهُنَّ أَنْ يَنْكِحْنَ أَزْوَاجَهُنَّ} (اور جب تم عورتوں کو طلاق دو اور ان کی عدت پوری ہو جائے تو انہیں اپنے شوہروں سے نکاح کرنے سے نہ روکو)۔ فرماتے ہیں: پس میں نے اپنی قسم کا کفارہ دیا اور اس کا نکاح اس سے کر دیا۔