الترجمة الأردية

عبدالرحمٰن بن یزید کہتے ہیں کہ ہم حضرت حذیفہ رضی اللہ تعالیٰ عنہ کے پاس آئے تو ہم نے ان سے کہا: آپ ہمیں بتائیے کہ لوگوں میں چال ڈھال میں رسول اللہ صلی اللہ تعالیٰ علیہ وآلہ وسلم سے سب سے قریب کون ہے کہ ہم اس کے طور طریقے کو اپنائیں، اور اس کی باتیں سنیں؟ تو انہوں نے کہا کہ لوگوں میں چال ڈھال اور طور طریقے میں رسول اللہ صلی اللہ تعالیٰ علیہ وآلہ وسلم سے سب سے قریب حضرت ابن مسعود رضی اللہ تعالیٰ عنہ ہیں، یہاں تک کہ وہ ہم سے اوجھل ہو کر آپ کے گھر کے اندر بھی جایا کرتے تھے، اور رسول اللہ صلی اللہ تعالیٰ علیہ وآلہ وسلم کے اصحاب کو جو کسی طرح کی تحریف یا نسیان سے محفوظ ہیں یہ بخوبی معلوم ہے کہ ام عبد کے بیٹے یعنی حضرت عبداللہ بن مسعود رضی اللہ تعالیٰ عنہ ان سب میں اللہ سے سب سے نزدیک ہیں۔ امام ترمذی فرماتے ہیں: یہ حدیث حسن صحیح ہے۔