الترجمة الأردية

حضرت ابوحمزہ فرماتے ہیں: میں حضرت ابن عباس رضی اللہ تعالیٰ عنہما اور لوگوں کے درمیان ترجمانی کیا کرتا تھا۔ ایک عورت ان کے پاس آئی اور مٹی کے برتن میں بنی نبیذ کے بارے میں پوچھا تو فرمایا: عبدالقیس کا وفد رسول اللہ صلی اللہ تعالیٰ علیہ وآلہ وسلم کے پاس آیا تو آپ نے فرمایا: تم کون ہو؟ عرض کیا: ربیعہ۔ فرمایا: خوش آمدید اس قوم کو جو رسوا نہ ہوئی اور پچھتائی نہ — یا فرمایا — پچھتائی نہ اور رسوا نہ ہوئی۔ انہوں نے عرض کیا: یا رسول اللہ! ہم دور سے آتے ہیں اور ہمارے اور آپ کے درمیان مضر کے کافر ہیں، ہمیں کوئی ایسا حکم دیجیے جو واضح ہو تاکہ ہم اپنے پیچھے والوں کو بتائیں اور جنت میں داخل ہوں۔ آپ صلی اللہ تعالیٰ علیہ وآلہ وسلم نے انہیں چار باتوں کا حکم دیا اور چار سے منع فرمایا: صرف اللہ کی عبادت کرو، نماز قائم کرو، زکوٰۃ دو اور رمضان کے روزے رکھو اور مالِ غنیمت کا پانچواں حصہ دو۔ اور انہیں دُبّاء، حَنتَم، مُزَفَّت اور نَقیر سے منع فرمایا۔