الترجمة الأردية

حضرت شریح بن ہانی اپنے والد حضرت ہانی رضی اللہ تعالیٰ عنہ سے روایت کرتے ہیں کہ جب وہ رسول اللہ صلی اللہ تعالیٰ علیہ وآلہ وسلم کے پاس وفد لے کر آئے تو آپ صلی اللہ تعالیٰ علیہ وآلہ وسلم نے سنا کہ لوگ ہانی کو ابوالحکم کی کنیت سے پکارتے ہیں۔ رسول اللہ صلی اللہ تعالیٰ علیہ وآلہ وسلم نے انہیں بلایا اور ارشاد فرمایا: بے شک اللہ ہی حَکَم (فیصلہ کرنے والا) ہے اور فیصلہ اسی کا ہے، تو تمہاری کنیت ابوالحکم کیوں ہے؟ انہوں نے عرض کیا: میری قوم جب کسی بات میں اختلاف کرتی ہے تو میرے پاس آتی ہے اور میں ان کے درمیان فیصلہ کرتا ہوں تو دونوں فریق راضی ہو جاتے ہیں۔ آپ صلی اللہ تعالیٰ علیہ وآلہ وسلم نے ارشاد فرمایا: یہ تو بہت اچھی بات ہے، تمہاری اولاد میں کون کون ہے؟ انہوں نے عرض کیا: شریح، عبداللہ اور مسلم۔ فرمایا: ان میں سب سے بڑا کون ہے؟ عرض کیا: شریح۔ فرمایا: تو تم حضرت ابوشریح ہو۔ اور آپ صلی اللہ تعالیٰ علیہ وآلہ وسلم نے ان کے اور ان کی اولاد کے لیے دعا فرمائی۔