الترجمة الأردية

ہمیں محمد بن مثنیٰ نے خبر دی، انہوں نے کہا ہمیں خالد نے حدیث بیان کی، انہوں نے کہا ہمیں حمید نے حدیث بیان کی، انہوں نے کہا ہمیں حضرت انس رضی اللہ تعالیٰ عنہ نے حدیث بیان کی، انہوں نے فرمایا: نبی کریم صلی اللہ تعالیٰ علیہ وآلہ وسلم اُمّ المؤمنین میں سے ایک کے ہاں تشریف فرما تھے کہ دوسری اُمّ المؤمنین نے ایک پیالے میں کھانا بھیجا۔ اس (بھیجنے والے) نے قاصد کا ہاتھ مارا تو پیالہ گر کر ٹوٹ گیا۔ نبی کریم صلی اللہ تعالیٰ علیہ وآلہ وسلم نے دونوں ٹکڑے اٹھائے اور ایک کو دوسرے سے جوڑا اور کھانا اس میں جمع کرنے لگے اور فرمانے لگے: تمہاری ماں کو غیرت آ گئی، کھاؤ! تو لوگوں نے کھایا۔ آپ صلی اللہ تعالیٰ علیہ وآلہ وسلم نے انتظار کیا یہاں تک کہ وہ اپنے گھر کا پیالہ لے آئیں تو صحیح پیالہ بھیجنے والی کو دے دیا اور ٹوٹا ہوا پیالہ توڑنے والی کے گھر میں رکھ دیا۔