الترجمة الأردية

حضرت عبداللہ بن عباس رضی اللہ تعالیٰ عنہم فرماتے ہیں کہ میری خالہ اُمّ المؤمنین میمونہ رضی اللہ تعالیٰ عنہا نے مجھ سے بیان کیا کہ میں نے رسول اللہ صلی اللہ تعالیٰ علیہ وآلہ وسلم کے لیے غسل جنابت کا پانی لا کر رکھا، تو آپ صلی اللہ تعالیٰ علیہ وآلہ وسلم نے دو یا تین بار اپنے دونوں پہونچے دھوئے، پھر اپنا داہنا ہاتھ برتن میں داخل کیا تو اس سے اپنی شرمگاہ پر پانی ڈالا، پھر اسے اپنے بائیں ہاتھ سے دھویا، پھر اپنے بائیں ہاتھ کو زمین پر مارا اور اسے زور سے ملا، پھر اپنی نماز کے وضو کی طرح وضو کیا، پھر اپنے سر پر تین لپ بھربھر کر ڈالا، پھر اپنے پورے جسم کو دھویا، پھر آپ اپنی جگہ سے الگ ہٹ کر اپنے دونوں پاؤں دھوئے، اُمّ المؤمنین میمونہ رضی اللہ تعالیٰ عنہا فرماتی ہیں: پھر میں تولیہ لے کر آئی تو آپ صلی اللہ تعالیٰ علیہ وآلہ وسلم نے اسے واپس کر دیا۔