الترجمة الأردية

سیدنا فضالہ لیثی رضی اللہ عنہ سے روایت ہے، وہ کہتے ہیں کہ میں نبی کریمصلی اللہ علیہ وسلمکی خدمت میں حاضر ہوا اور عرض کیا: میں اسلام لانا چاہتا ہوں، پس مجھے اسلام کی کچھ شرائع (احکام) سکھا دیجیے، تو آپصلی اللہ علیہ وسلمنے نماز، رمضان کے مہینے اور نماز کے اوقات کا ذکر فرمایا، میں نے عرض کیا: اے اللہ کے رسول! آپ ان اوقات کا ذکر فرما رہے ہیں جن میں، میں مصروف ہوتا ہوں، لہٰذا مجھے کوئی جامع بات سکھا دیجیے، تو آپصلی اللہ علیہ وسلمنے فرمایا:”اگر تم مصروف بھی ہو تو ان دو عصروں (عصرین) سے غافل نہ ہونا۔“میں نے پوچھا: یہ ’عصرین‘ کیا ہیں؟ کیونکہ یہ میری قوم کی لغت نہ تھی، آپصلی اللہ علیہ وسلمنے فرمایا:”فجر اور عصر۔“یہ حدیث امام مسلم کی شرط پر صحیح ہے لیکن ان دونوں نے اسے روایت نہیں کیا، اس میں ایسے الفاظ ہیں جنہیں انہوں نے دوسری اسناد سے بھی روایت نہیں کیا، اور ان میں سب سے زیادہ فائدہ مند بات اسلام کی شرائع کا ذکر ہے، کیونکہ یہ عبدالعزیز بن ابی رواد کی روایت میں علقمہ بن مرثد عن یحییٰ بن یعمر عن ابن عمر کے واسطے سے ہے، جو ان دونوں میں سے کسی کی شرط پر نہیں ہے۔ اور اس سند میں ہشیم بن بشیر کی داؤد بن ابی ہند سے روایت میں ایسا اختلاف کیا گیا ہے جو حدیث کو نقصان نہیں پہنچاتا بلکہ اسے مزید تقویت دیتا ہے۔[المستدرك على الصحيحين/كتاب الإيمان/حدیث: 50]