الترجمة الأردية

حضرت ابو ہریرہ رضی اللہ تعالیٰ عنہ فرماتے ہیں کہ رسول اللہ صلی اللہ تعالیٰ علیہ وآلہ وسلم نے ارشاد فرمایا: بے شک مومن جب گناہ کرتا ہے تو اس کے دل پر ایک سیاہ نقطہ پڑ جاتا ہے۔ اگر وہ توبہ کرے اور استغفار کرے تو اس کا دل صاف ہو جاتا ہے اور اگر مزید گناہ کرے تو وہ سیاہی بڑھتی جاتی ہے یہاں تک کہ پورے دل پر چھا جاتی ہے۔ یہی وہ زنگ ہے جس کا اللہ تعالیٰ نے ذکر فرمایا: (کَلَّا بَلْ رَانَ عَلٰی قُلُوْبِہِمْ مَّا کَانُوْا یَکْسِبُوْنَ) یعنی ہرگز نہیں بلکہ ان کے دلوں پر زنگ چڑھ گیا ہے جو وہ کمایا کرتے تھے۔ (احمد، ترمذی و ابن ماجہ، امام ترمذی نے فرمایا: یہ حدیث حسن صحیح ہے)