الترجمة الأردية

عبدالرحمن بن ابی لیلیٰ بیان کرتے ہیں کہ سیدنا سہل بن حنیف اور سیدنا قیس بن سعد رضی اللہ عنہما قادسیہ میں کسی جگہ بیٹھے ہوئے تھے، اتنے میں کچھ لوگ ادھر سے ایک جنازہ لے کر گزرے تو یہ دونوں بزرگ کھڑے ہو گئے، عرض کیا گیا کہ جنازہ تو ذمیوں کا ہے (جو کافر ہیں)، اس پر انہوں نے فرمایا کہ نبی کریمصلی اللہ علیہ وسلمکے پاس سے اسی طرح سے ایک جنازہ گزرا تھا، آپ اس کے لیے کھڑے ہو گئے، پھر آپ سے کہا گیا کہ یہ تو یہودی کا جنازہ تھا، آپ نے فرمایا:”کیا یہودی کی جان نہیں ہے؟“[اللؤلؤ والمرجان/كتاب الجنائز/حدیث: 565]