الترجمة الأردية

حضرت سفینہ ابو عبدالرحمٰن رضی اللہ تعالیٰ عنہ بیان کرتے ہیں کہ ایک شخص نے علی المرتضیٰ کرّم اللہ تعالیٰ وجہہ الکریم کی ضیافت کی اور آپ کے لیے کھانا تیار کیا، فاطمہ رضی اللہ تعالیٰ عنہا نے کہا: کاش ہم لوگ نبی اکرم صلی اللہ تعالیٰ علیہ وآلہ وسلم کو بلا لیتے تو آپ بھی ہمارے ساتھ کھانا تناول فرماتے، چنانچہ لوگوں نے آپ کو بھی مدعو کیا، آپ صلی اللہ تعالیٰ علیہ وآلہ وسلم تشریف لائے، آپ نے اپنے ہاتھ دروازے کے دونوں بازو پر رکھے، تو آپ کی نظر گھر کے ایک گوشے میں ایک باریک منقش پردے پر پڑی، آپ لوٹ آئے، فاطمہ رضی اللہ تعالیٰ عنہا نے علی المرتضیٰ کرّم اللہ تعالیٰ وجہہ الکریم سے کہا: جائیے اور پوچھئے: اللہ کے رسول! آپ کیوں واپس آ گئے ہیں؟ آپ صلی اللہ تعالیٰ علیہ وآلہ وسلم نے ارشاد فرمایا: یہ میرے لیے مناسب نہیں کہ میں ایسے گھر میں قدم رکھوں جس میں آرائش و تزئیین کی گئی ہو ۱؎۔