الترجمة الأردية

سیدنا اسامہ بن زید رضی اللہ عنہ سے روایت ہے کہان سے پوچھا گیا کہ آپ نے رسول اللہصلی اللہ علیہ وسلمسے طاعون کے بارے میں کیا سنا ہے؟ تو سیدنا اسامہ رضی اللہ عنہ نے کہا کہ رسول اللہصلی اللہ علیہ وسلمنے فرمایا ہے:”طاعون ایک عذاب ہے جو بنی اسرائیل کے ایک گروہ پر بھیجا گیا تھا یا (یہ کہا کہ) تم سے پہلے لوگوں پر (یہ راوی کو شک ہے) پھر جب تم سنو کہ کسی ملک میں طاعون پھیلا ہے تو وہاں مت جاؤ اور جب اس ملک میں پھیلے جہاں تم لوگ رہتے ہو تو بھاگنے کی نیت سے وہاں سے مت نکلو۔“[مختصر صحيح بخاري/حدیث: 1451]