الترجمة الأردية

حضرت عروہ رحمۃ اللہ تعالیٰ علیہ سے روایت ہے کہ انہوں نے حضرت اُمّ المؤمنین عائشہ صدیقہ رضی اللہ تعالیٰ عنہا سے آیت «وَإِنْ خِفْتُمْ أَنْ لَا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ» (اور اگر تمہیں ڈر ہو کہ یتیموں کے بارے میں انصاف نہیں کر سکو گے تو جو عورتیں تمہیں پسند ہوں ان سے نکاح کرو) کے بارے میں پوچھا۔ آپ نے فرمایا: یہ اس یتیم لڑکی کے بارے میں ہے جو اپنے ولی کی پرورش میں ہو اور ولی اس کے مال اور حسن کی وجہ سے اس سے شادی کرنا چاہے مگر عورتوں کے لیے مقرر کردہ سب سے کم مہر دینا چاہے۔ تو ایسے ولیوں کو ان لڑکیوں سے نکاح سے منع کیا گیا ہے، سوائے اس کے کہ وہ ان کا پورا مہر انصاف سے ادا کریں۔ پھر لوگوں نے بعد میں رسول اللہ صلی اللہ تعالیٰ علیہ وآلہ وسلم سے مسئلہ پوچھا تو اللہ تعالیٰ نے یہ آیت نازل فرمائی: «وَيَسْتَفْتُونَكَ فِي النِّسَاءِ» (اور لوگ آپ سے عورتوں کے بارے میں مسئلہ پوچھتے ہیں)۔