الترجمة الأردية

ہم سے محمد بن بشار نے بیان کیا، کہا ہم سے عبدالملک بن صباح نے بیان کیا، کہا ہم سے شعبہ نے بیان کیا، ان سے ابواسحاق نے، ان سے ابن ابی موسیٰ نے اور ان سے ان کے والد (حضرت ابوموسیٰ رضی اللہ تعالیٰ عنہ) نے نبی کریم صلی اللہ تعالیٰ علیہ وآلہ وسلم سے بیان کیا کہ آپ یہ دعا فرمایا کرتے تھے: اے میرے رب! میری خطا، میری جہالت، میرے تمام معاملات میں میری زیادتی اور جو تو مجھ سے زیادہ جانتا ہے انہیں بخش دے۔ اے اللہ! میری خطائیں، جان بوجھ کر کیے ہوئے گناہ، جہالت، مذاق، اور یہ سب کچھ جو میرے پاس ہے بخش دے۔ اے اللہ! جو میں نے آگے بھیجا اور جو پیچھے چھوڑا، جو میں نے چھپا کر کیا اور جو ظاہر کیا، بخش دے۔ تو ہی آگے کرنے والا اور تو ہی پیچھے کرنے والا ہے اور تو ہر چیز پر قادر ہے۔ عبیداللہ بن حضرت معاذ نے کہا کہ ان سے ان کے والد نے بیان کیا، ان سے شعبہ نے، ان سے ابواسحاق نے، ان سے حضرت ابوبردہ بن ابی موسیٰ نے، ان سے ان کے والد نے اور ان سے نبی کریم صلی اللہ تعالیٰ علیہ وآلہ وسلم سے اسی طرح مروی ہے۔