الترجمة الأردية

ہم سے یحییٰ بن موسیٰ نے بیان کیا، کہا ہم سے وکیع نے بیان کیا، کہا ہم سے ہشام بن عروہ نے بیان کیا، ان سے ان کے والد نے اور ان سے حضرت اُمّ المؤمنین عائشہ رضی اللہ تعالیٰ عنہا نے بیان کیا کہ نبی کریم صلی اللہ تعالیٰ علیہ وآلہ وسلم ارشاد فرمایا کرتے تھے: اے اللہ! میں تیری پناہ مانگتا ہوں سستی اور بڑھاپے سے اور قرض اور گناہ سے۔ اے اللہ! میں تیری پناہ مانگتا ہوں جہنم کے عذاب سے اور جہنم کے فتنے سے اور قبر کے عذاب سے اور دولت کے فتنے کے شر سے اور غریبی کے فتنے کے شر سے اور مسیح دجال کے فتنے کے شر سے۔ اے اللہ! میری خطاؤں کو برف اور اولوں کے پانی سے دھو دے اور میرے دل کو گناہوں سے ایسے صاف فرما جیسے سفید کپڑا میل سے صاف کیا جاتا ہے اور میرے اور میری خطاؤں کے درمیان اتنا فاصلہ فرما دے جتنا تو نے مشرق اور مغرب کے درمیان فاصلہ رکھا ہے۔