الترجمة الأردية

ہم سے مسدد نے بیان کیا، کہا ہم سے یزید بن زریع نے بیان کیا، کہا ہم سے خالد نے بیان کیا، ان سے ابوقلابہ نے اور ان سے حضرت ثابت بن ضحاک رضی اللہ تعالیٰ عنہ نے نبی کریم صلی اللہ تعالیٰ علیہ وآلہ وسلم سے روایت کیا کہ آپ صلی اللہ تعالیٰ علیہ وآلہ وسلم نے ارشاد فرمایا: جو شخص جان بوجھ کر جھوٹی قسم اسلام کے سوا کسی اور ملت (مذہب) کی کھائے تو وہ ویسا ہی ہے جیسا اس نے کہا۔ اور جس نے لوہے کے آلے سے خودکشی کی تو اسے جہنم کی آگ میں اسی (آلے) سے عذاب دیا جائے گا۔ اور حجاج بن منہال نے فرمایا: ہم سے جریر بن حازم نے بیان کیا، ان سے حسن بصری رحمۃ اللہ تعالیٰ علیہ نے، فرمایا: ہم سے حضرت جندب رضی اللہ تعالیٰ عنہ نے اسی مسجد میں بیان کیا — ہم نہ بھولے اور نہ ہمیں حضرت جندب رضی اللہ تعالیٰ عنہ پر نبی کریم صلی اللہ تعالیٰ علیہ وآلہ وسلم سے (جھوٹی بات منسوب کرنے کا) کوئی خطرہ ہے — آپ صلی اللہ تعالیٰ علیہ وآلہ وسلم نے ارشاد فرمایا: ایک شخص زخمی ہوا اور اس نے خودکشی کر لی۔ اللہ تعالیٰ نے فرمایا: میرے بندے نے خود اپنی جان کا فیصلہ مجھ سے پہلے کر لیا، میں نے اس پر جنت حرام کر دی۔