الترجمة الأردية

ہم سے محمد بن فضل نے بیان کیا، کہا ہم سے حماد بن زید نے بیان کیا، ان سے ثابت نے بیان کیا، ان سے ابو رافع نے اور ان سے حضرت ابوہریرہ رضی اللہ تعالیٰ عنہ نے روایت کیا کہ سیاہ رنگ کا ایک مرد یا ایک عورت مسجد نبوی کی خدمت (صفائی) کیا کرتے تھے، پھر ان کا انتقال ہو گیا لیکن نبی کریم صلی اللہ تعالیٰ علیہ وآلہ وسلم کو ان کے وصال کی خبر نہیں دی گئی۔ ایک دن آپ صلی اللہ تعالیٰ علیہ وآلہ وسلم نے خود یاد فرمایا اور ارشاد فرمایا کہ وہ شخص کہاں ہے؟ صحابہ کرام رضی اللہ تعالیٰ عنہم نے عرض کیا: یا رسول اللہ! ان کا تو انتقال ہو گیا۔ آپ صلی اللہ تعالیٰ علیہ وآلہ وسلم نے ارشاد فرمایا: تم نے مجھے کیوں نہ بتایا؟ صحابہ نے عرض کیا: ان کی کہانی ایسی ایسی تھی (یعنی انہوں نے اسے حقیر سمجھ کر آپ کو تکلیف دینا مناسب نہ جانا)۔ راوی نے فرمایا کہ صحابہ نے اس شخص کی حیثیت کو معمولی سمجھا تھا۔ آپ صلی اللہ تعالیٰ علیہ وآلہ وسلم نے ارشاد فرمایا: مجھے ان کی قبر بتاؤ۔ چنانچہ آپ صلی اللہ تعالیٰ علیہ وآلہ وسلم ان کی قبر پر تشریف لے گئے اور ان پر نماز جنازہ ادا فرمائی۔